Reiðarslag.

Jæja, þá vitum við það. Ekkert er nú leyfilegt lengur. En það má velta þessari „frétt“ fyrir sér á margan hátt.

Það er talað um hjólreiðarstíga t.d. svo og „reiðleiðir.“ Hjólreiðarstígar,  stundum nefndir hjólastígar eru ætlaðir hjólreiðarfólki. Reiðleiðir, til hvers eru þær? Þau hafa örugglega verið á einhverskonar reiðleið.

Þingmenn og frambjóðendur til Alþingis eru nú þessar vikurnar á yfirreið um landið til að afla atkvæða. Voru þau á yfirreið?

Þegar ferðast erum landið er oft talað um að fara framhjá tilteknum stöðum. Var hér um að ræða „framhjáreið?“

Um daginn var ég að lesa pistil um „kvennareið.“  Ég hef ekki flett upp á þessu orði í orðabók til að finna útskýringar á því. En var þetta eitthvað skylt því?

Þegar íslenska átti orðið bíll á sínum tíma var talað um „sjálfrennireið.“ Gæti átt vel við.

Að lokum þegar lögreglan stöðvaði „ökumanninn“ (eða var hann eitthvað annað) hefur það örugglega verið „reiðarslag“ fyrir parið og þau orðið „fjúkandi reið.“

En þetta sýnir svo ekki verður um villst að karlmaður getur gert tvennt í einu.

Stunduðu kynlíf á ofsahraða

Athugasemdir

[Dísa , 13.4.2009 kl. 13:31]

Jæja ... það kom að því að það upplýstist að karlmaður getur gert tvennt í einu og hafði tvær til reiðar þarna, kærustuna og bifreiðina.  En þetta var samt með góðri hjálp kvenmannsins því ég geri ráð fyrir að hún hafi haft stjórnina á annarri keyrslunni en hann "reyndi" að einbeita sér að því að stjórna bifreiðinni ;)

Undirstrikar enn og aftur að á bak við öflugan mann er alltaf góð kona ;)