Undirboð

Ekki kemur mér neitt í þessari frétt á óvart. Raunar held ég að enginn græði á þessum undirboðum.

Mér finnst það dálítið útbreiddur misskilningur að það sé um að gera að fá tilboð í öll verk smá og stórt. Þegar menn eru farnir að bjóða í verkið langt niðurfyrir  raunverð kemur það einhversstaðar niður. Það kann að vera að það komi niður á launaliðnum að einhverju leyti en mest held að það komi niður á verkgæðunum. Mörg þessara verka eru ekki úttektarskyld og reynt er að fara fram hjá því eins og mögulegt er og freistingin er alltaf að komast eins ódýrt frá verki og hægt er. Þá er ég hræddur um að það komi mest niður á gæðum og frágangsvinnu.

Ég vil vara fólk við sem stendur í framkvæmdum að taka ekki tilboðum sem eru komin langt niður fyrir eðlilegt verð. Ef svo er þá er eitthvað að. Í mjög mörgum tilfellum getur verið best að láta vinna verk í tímavinnu. Þá er vertakinn ekki undir neinni pressu og hægt að taka á vandamálum sem upp geta komið eins og oft vill verða þegar um breytingar eða viðhaldsvinnu er að ræða og þau mál leyst í samráði við verkkaupa. Ekkert er eðlilegra en að verkkaupi fái kostnaðaráætlun miðað við tilteknar forsendur, sem svo oft breytast ef verkið reynist stærra.

Þegar dregur úr nýbyggingarframkvæmdum er langbesti tíminn fyrir einstaklinga að fara í viðhaldsvinnu og breytingar. Nú er besti tíminn fyrir einstaklinginn, annars lendir hann alltaf í samkeppni við nýbyggingargeirann. Raunar á ég ekki til neitt einasta orð yfir seinaganginn í fólki. Til hvers í ósköpunum er verið að bíða? Og eftir hverju er verið að bíða?   

Mikið um undirboð á byggingamarkaðnum

Athugasemdir

[Daníel Sigurðsson, 16.4.2009 kl. 13:01]

ég er alveg sammála.

 ég er pípulagningameistari en ég myndi aldre fara að bjóða lágt í verk bara til að fá verkið..

 það er betra að sitja kauplaus heima en að vera að þræla sér út kauplaust.

ég legg mig hinsvegar fram í að skila óaðfinnanlegri vinnu, mæti undantekningarlaust á mínútunni þegar ég segist ætla að mæta og skila verkinu þó af mér oftast á lægra verði en ef um tilboð væri að ræða.

 hröð og góð þjónusta er það sem skiptir máli, ódýr þjónusta getur bara verið í boði í stuttan tíma, eftir það þá er verktakinn farinn á hausinn eða fær ekkert að gera vegna þess að vinnubrögðin voru óvönduð...