Ofbeldi enn og aftur.

Á ég að trúa því að skólastjóri Fjölbrautarskóla  Suðurlands á Selfossi ætli að láta ofbeldi endurtaka sig aftur og aftur án að aðhafast nokkuð? Varla verður sagt að með sanni að skólastjórinn hafi tekið á málunum af neinni festu.

Þeir sem beita aðra ofbeldi eiga í einhverjum erfiðleikum. Hjá þeim er eitthvað að. Og það er ekki síður skólayfirvalda að reyna að leiðbeina eða stuðla að því að þessir einstaklingar fái hjálp. Svona mál verða að vinnast í samvinnu við foreldra eða forráðamanna þessara barna.

Það er ekki með neinum illvilja gert að ætla að skólastjóri viti ekki af þessu ofbeldi og vilji ekki gera neitt í því nema hann sé neyddur til. Í því sambandi vil ég benda á að nú er langt liðið á skólaárið. Þeir sem nú eru að beita aðra ofbeldi hljóta að hafa komið í skólann í haust og eru trúlega ekki að brjót af sér í fyrsta skipti. Þó svo að þetta sé það grófasta.

Ég veit það af fenginni reynslu að þeir sem leggja aðra í einelti eða beita ofbeldi eru ekki að byrja á því á miðjum vetri. Þessir nemendur eru oft mjög lagnir í að koma vel fyrir þegar kennarar eða skólastjóri sér til. En það er engin afsökun fyrir skólayfirvöld. Skólastjórar og kennarar hljóta að hafa einhverja sálfræðiþekkingu, eða í það minnsta hafa eitthvað í sér á því sviði. Á sama hátt má segja að smiður verður aldrei góður smiður nema að hann hafi það sem stundum er nefnt smiðsauga. Þeir eiginleikar eru ekki kenndir í skólum

 Viðbrögð skólastjóra við síendurteknu ofbeldi eru þó ekki sá meira sagt, furðuleg. Og spurning hvort hann ætti ekki að yfirgef skólann ekki síður en ofbeldismennirnir. Foreldrar og forráðamenn barna verða að gera þá kröfu til skólayfirvalda að fylgst sé með börnum í skólanum til þess að svona atburðir geti ekki endurtekið sig.

Ráðist með grjóti á 16 ára pilt í FSu á Selfossi

Athugasemdir

[Dísa , 26.2.2009 kl. 09:43]

Þetta er náttúrulega hræðilegt og að ekki skuli hafa verið kallaður til læknir eða tekin skýrsla eða eitthvað er ótrúlegt sinnuleysi.  Er frumskógarlögmálið við lýði þarna eða hvað ?

Ég hef heyrt orðið svo margar sögur um einelti á öllum stigum í skólum þar sem skólayfirvöld eru ekki að taka á hlutunum heldur virðist allt snúast um þann sem veldur eineltinu - ekki fórnarlambið. Og það er gjörsamlega óþolandi.  Fórnarlambið fær ráð eins og .. "passaðu tóninn í röddinni þegar þú talar" .... "láttu fara lítið fyrir þér" .....  o.s.frv.

Það þarf virkilega að taka á þessum málum í mörgum skólum og koma þessu upp á yfirborðið.